Abantwana kabagcinwe ezindlini

03 May, 2020 - 00:05 0 Views
Abantwana kabagcinwe ezindlini

The Sunday News

Ethel Ncube
ABAZALI bakoBulawayo bafaka abantwana engozini yokuthola umkhuhlane weCovid-19 nanko phela babonakala emalokitshini atshiyeneyo begcwele ezitaladeni bedlala kukanti abanye bayabe bedinga amanzi.

Iphephandaba likazulu linanzelele ukuba abazali abanengi bathuma abantwana ezitolo lokuyadinga amanzi bengananzeleli ukuba babafaka engozini yokuba legcikwane le-coronavirus ngoba kwezinye indawo kuyabe kulabantu abanengi endaweni yinye.

Ekhuluma lentatheli kaMthunywa uNkosazana Belinda Moyo uveze ukuba yena njengomzali angeke ekele ukuthuma abantwana.

“Abantwana kumele bathunywe bayebamba umzila webhawuza yamanzi ingakabuyi. Nxa besuka endlini ngiyabatshela ukuthi bangasondeli kakhulu kwabanye abantu nxa bekudwendwe.

“Ukubathuma yikuthi sincedisane sithole amanzi amanengi njengoba esehlupha amanzi okwe-coronavirus sizakubona,” kutsho uNkszn Moyo.

Iphephandaba likazulu libuye laxoxisana njalo lesinye isakhamuzi uMnumzana Velaphi Ndlovu oveze ukuba abazali bafaka impilo zabantwana engozini.

“Kuyisimanga ukuba abazali bayasala ezindlini bethuma abantwana ukuyadinga amanzi.

“Emanzini abantu bayabe begcwele befuqana okungenza abantwana bacine bethola umkhuhlane weCovid-19. Okunye futhi engikunanzeleleyo khathesi sisebunzimeni ezindlini kuyalanjwa umntwana uyasuka ayedinga amanzi ezindlini eziphuma amanzi athole umuntu ongubaba, kungenzeka amnike ukudla abe sethatha lelothuba ukumhlukuluza abe semnika amanzi ukuthi angakhulumi.

Njengabazali asisukumeni sizenzele njalo sinakekele abantwana sikhathi sonke sibavikele,” kubika uMnu Ndlovu.

Share This:

Survey


We value your opinion! Take a moment to complete our survey

This will close in 20 seconds